«Հակառուսական տրամադրություններն ընդամենը ժամանակավոր ալիք են, առկա են բնակչության միայն մի փոքր մասի մոտ»,- «Առաջին լրատվական»-ի հետ զրույցում ասաց «Սոցիոմետր» սոցիոլոգիական կենտրոնի տնօրեն, սոցիոլոգ Ահարոն Ադիբեկյանը՝ հավելելով, որ այն պահից, երբ մենք տեսնենք Մաքսային միության մեջ մտնելու պտուղները, այդ տրամադրությունները կանհետանան:
Նրա խոսքով՝ կան խնդիրներ, որ Ռուսաստանն ու ՄՄ-ն չեն կարող լուծել, այդ իսկ պատճառով մենք պետք է Եվրամիության հետ կապերը պահպանենք և փորձենք երկու կողմից էլ օգուտ քաղել. «Հայերը հեղափոխություն չեն անի, ընդամենը կլինի խռովություն, հեսա ձմեռը կգա, Նոր տարին կգա, հակառուսական տրամադրությունները Հայաստանում կվերանան»,- ասաց նա:
Սոցիոլոգը հավելեց, որ իր գնահատմամբ՝ ամենաուժեղ ընդդիմադիր ուժը՝ ԲՀԿ-ն, միշտ եղել է ռուսամետ, ՄՄ-ի կողմնակից է եղել, իսկ մյուս ընդդիմադիրները երբեք հակադիր չեն խոսել ՄՄ-ին, հետևաբար ընդդիմանալու փաստարկ չունեն:
Մեր այն դիտարկմանը, թե գործող նախագահն այդ ընդդիմադիր ուժերից ավելի ռուսամետ դուրս եկավ, արդյո՞ք նրանց գոյությանը վտանգ չի սպառնում, Ադիբեկյանն ասաց. «Նա ռուսամետ չէ, Սերժ Սարգսյանը քաղաքական շախմատ է խաղում, գիտի որ պահին ինչ քայլ անի, ինչ զոհաբերի հաղթանակի հասնելու համար»:
Մանրամասները` «Առաջին լրատվական»-ի տեսանյութում:
