Թբիլիսիում դեկտեմբերի 9-ին կկայանա Վիլնյուսի գագաթնաժողովի վերաբերյալ ամփոփիչ համաժողովը:
Համաժողովը կանցկացվի Վրաստանի նախագահ Գեորգի Մարգվելաշվիլու նախաձեռնությամբ: Այս մասին ասվում է Վրաստանի խորհրդարանի մամլո ծառայության կողմից շաբաթ օրը տարածված հաղորդագրության մեջ:
Համաժողովը կբացեն Վրաստանի խորհրդարանի նախագահ Դավիդ Ուսուպաշվիլին, փոխվարչապետ Իրակլի Ղարիբաշվիլին, Հարավային Կովկասում Կոնրադ Ադենաուերի հիմնադրամի ներկայացուցչության ղեկավար Ջանան Ատիլգանը և Վրաստանում ԵՄ դեսպան Ֆիլիպ Դիմիտրովը:
Կազմակերպիչների հայտարարության համաձայն՝ համաժողովի նպատակը Վիլնյուսյան գագաթնաժողովի վերջնական արդյունքների, Ասոցացման համաձայնագրի նախաստորագրումից հետո Վրաստանի մոտ հնարավոր խնդիրների, փաստաթղթի ստորագրումից առաջ գործողությունների պլանի, «Արևելյան գործընկերության» շրջանակներում երկկողմանի և բազմակողմանի հարաբերությունների զարգացման հարցերը քննարկելն է:
Համաժողովում կլինեն նաև թեմատիկ զեկույցներ՝ անվտանգության, արդարադատության, վիզային ռեժիմի, էներգետիկայի և ազատ առևտրի ոլորտների վերաբերյալ:
