Մալիից ներգաղթյալը Ֆրանսիայում իսկական հերոս է դարձել, երբ Փարիզում բարձրացել է տան ճակատային հատված՝ վերջին ուժերով պատշգամբի ծայրից կառչած երեխային փրկելով, փոխանցում է Le Parisien-ը։
Տեսագրությունը վայրկենաբար սոցցանցերում է տարածվել։
Մամուդա Հասաման մեկ րոպեից էլ քիչ ժամանակ է ծախսել չորրորդ հարկ մագլցելու համար՝ մեկ պատշգամբից մյուսը ձգվելով։ Ի վերջո նրան հաջողվել է տղամարդու ձեռքից վերցնել երեխային, որը փորձում էր թույլ չտալ նրան ընկնել։
Նախագահ Էմանուել Մակրոնը 22-ամյա Հասամային երկուշաբթի Ելիսեյան պալատ է հրավիրել, որպեսզի բոլոր ֆրանսիացիների անունից անձամբ նրան երախտագիտություն հայտնի։
Տեսագրությունը շաբաթ երեկոյան Facebook-ում է հրապարակվել։
Փարիզի քաղաքապետ Անն Իդալգոն ևս հիացել է հերսությամբ՝ ասելով, որ անձամբ է Հասամային հեռախոսով երախտագիտություն հայտնել։ Իդալգոն նրան «18-րդ շրջանից Սարդ-մարդ» է անվանել։
Նրա խոսքով՝ երիտասարդն իրեն ասել է, որ մեկ ամիս առաջ է Մալիից Ֆրանսիա եկել նոր կյանք սկսելու։
Hero. pic.twitter.com/TKhEfndomR
— Al Jazeera English (@AJEnglish) May 28, 2018
Հասաման ինքը լրագրողներին ասել է, որ անցնում էր մի տան մոտով, երբ տեսել է այնտեղ կուտակված ամբոխին։
«Ես դա արեցի, չէ՞ որ նա երեխա էր։ Ես մագլցեցի և փառք Աստծո ինձ հաջողվեց նրան փրկել»,-ասել է երիտասարդը։
