ՀՀ տարածքային կառավարման և զարգացման նախարար Սուրեն Պապիկյանի հրամանով՝ օրերս վարչական վարույթ է հարուցվել «Հայաստանի ազգային արխիվ ՊՈԱԿ»-ի նկատմամբ, որի համար հիմք է հանդիսացել գիտնականների հրապարակած բաց նամակը։ Նամակում դժգոհություն կա արխիվի տնօրենից, որ փակ է պահում որոշ ֆոնդեր և գործեր, արհեստական խոչընդոտներ են ստեղծվում արխիվում հետազոտություններ իրականացնող քաղաքացիների նկատմամբ։
«Առաջին լրատվական»-ի հետ զրույցում Ամատունի Վիրաբյանը նշեց, որ իր մոտեցումը մնալու է նույնը, արխիվը բաց է, բոլորը կարող են օգտվել։ «Այդ նամակ ստորագրողներից արխիվում եղել են երեք հոգի, այդ երեք հոգուց մեկն էլ իր ստորագրությունը հետ է վերցրել, Անուշի մասին է խոսքը։ Այդ նամակը կազմակերպել է մի երիտասարդ, որի անունը Մայլ Բաբայան է, որին ես արգելել եմ արխիվից օգտվել կանոնները խախտելու համար»,- մեկնաբանեց Ամատունի Վիրաբյանը։
Ստեղծված հանձնաժողովը, նրա խոսքով, ամեն ինչ կպարզի, և յուրաքանչյուր ոք կարող է միայն անձնագիր ներկայացնելով օգտվել արխիվից։
«Ես բոլորին օժանդակում եմ, որ իրենց հետաքրքրող տեղեկությունները ստանան»,- հավելեց արխիվի տնօրենը՝ ընդունելով իր սխալը, որ փոխանակ իրավապահ մարմիններին դիմելու՝ միանգամից այդպես է վարվել։
Ամբողջությամբ՝ տեսանյութում։