«Արտաքին քաղաքականությունը ներքին քաղաքակնության շարունակությունն է, և երբ որ ասում ենք, որ այսօր ավելի մեծ հնարավորություններ կան, հենց նկատի ունենք այն, որ արդեն իսկ ներքին փոփոխություններ կան, և կան նաև ակնկալիքներ: Այնուհանդերձ մենք պետ է ցույց տանք աշխարհին, որ լուրջ տեղաշարժեր են տեղի ունեցել մեր երկրում՝ լինի ժողովրդավարության, լինի կուտակված խնդիրների լուծման առումով»,- «Առաջին լրատվական»- ի հետ զրույցում այս մասին ասաց «Մոդուս Վիվենդի» կենտրոնի հիմնադիր և նախագահ Արա Պապյանը՝ հավելելով, որ Հայաստանի առջև խնդիրների լուծման նոր հնարավորությունները բացված են:
Իսրայելի հետ Հայաստանի հարաբերություների և հեղափոխությունից հետո ընձեռված հնարավորությունների վերաբերյալ Արա Պապյանը նշեց, որ այդ հարաբերությունների զարգացման պարարտ հող կա, և պետք է Իսրայելի հետ հարաբերությունները ընդլայնել ու լավացնել: Նա նաև ընդգծեց, որ եթե Իսրայելը ընդունի Հայոց ցեղասպանությունը, Հայաստանի դեմ հրեական լոբբինգը կչեզոքացվի:
«Մյուս կողմից պետք է հաշվի առնել, որ Միջին Արևելքում տիրող լարվածությունը վտանգավոր է և կարող է նաև մեր շահերին դիպչել, հետևաբար պետք է կարողանանք չեզոքացնել Հայաստանին սպառնացող վտանգը. իսրայելաիրանական հակամարտությունը մեզ վրա չպետք է ազդի»,- ընդգծեց մեր զրուցակիցը:
Ամնդրադառնալով ռուս-հայկական հարաբերություններին՝ Ա.Պապյանը նկատեց. «Հեղափոխության շնորհիվ Հայաստանի միջազգային վարկանիշը բարձրացավ, և Ռուսաստանը հասկանում է, որ Հայաստանի այլընտրանքային հնարավորությունները շատանում են:
Ռուսաստանը հասկանում է նաև, որ բավականին նուրբ վիճակ է ստեղծվել Հայաստանի հետ հարաբերություններում, ՌԴ-ն ավելի բարյացկամ և ավելի գործնական հարաբերություններ են ուզում զարգացնել:
Աշխարհաքաղաքական շահեր կան, որ Ռուսաստանը կարող է իրականացնել միմիայն Հայաստանի միջոցով: Հայաստանը կարող է ավելի կոշտ, ավելի արդար դիրքերից խոսել: Մենք դեմ ենք տիրոջ և ծառայի հարաբերություններին, կողմ ենք դաշնակցային, իրավահավասար հարաբերություններին:»:
Մանրամասները՝ տեսանյութում: