Քայլ արա մերժիր Սերժին կարգախոսից հետո այժմ կարգախոսը թերևս պետք է լինի՝ «Քայլ արա՝ բաց Հայաստանը»: Որովհետև որքան բաց լինի Հայաստանը այդ իմաստով, այնքան հեղափոխության արդյունքը քայլ առ քայլ դառնալու է անշրջելի, և նվազելու է հակահեղափոխության վտանգը:
Այդ առումով, ներկայիս իրավիճակում պատասխանատվության ահռելի բաժին ունի ոչ միայն վարչապետ դարձած Նիկոլ Փաշինյանն իր քաղաքական թիմով, այլ նաև հասարակությունը՝ նախ այդ թիմը, փաստորեն, իշխանության գործուղելու համար, հետո՝ այդ թիմին վերահսկելու համար և երրորդ՝ հասարակայնորեն կապիտալիզացվելու համար:
Հեղափոխությունից հետո արտագաղթ բառից ավելի մենք սկսել ենք արտաբերել ներգաղթ եզրույթը։ Սպասումներն այս իմաստով ևս շատ են։ Հայաստանի առջև ծառացած ժողովրդագրական խնդիրների մասին «Առաջին լրատվական»-ը զրուցել է ժողովդրագրագետ Արտակ Մարկոսյանի հետ:
