Եվրոպայում մեծ տարածում են գտնում մեդուզայից չիփսերը

Եվրոպացիները սովոր չեն մեդուզան օգտագործել սննդի մեջ, իսկ Ասիայում այն արդեն բոլորի կողմից ընդունված դելիկատես է համարվում։

Հավանաբար եվրոպացիների համար մեդուզաներն այնքան էլ հարմար չեն որպես սնունդ, սակայն դանիացի գիտնականները փորձել են ուղղել այդ բացը։

Նրանք մեդուզաների փափուկ  շոշափուկները խրթխրթան չիփսի վերածելու արագ միջոց են գտել։

Չիփսերը ստեղծվել են էթանոլի օգնությամբ։ Մաթիաս Պ. Քլյաուզենը Հարավային Դանիայի համալսարանից գտնում է, որ նման մթերքը գաստրոնոմիկ հետաքրքրություն կարող է առաջացնել։

Մեդուզան 5 տոկոսով բաղկացած է սպիտակուցից և 95 տոկոսով՝ ջրից։ Այն օժտված է ցածր կալորիականությամբ և ճարպեր չի պարունակում։