Facebook ընկերությունը այսուհետ ևս կշարունակի տեղեկություններ հավաքել ոչ միայն իր օգտատերերի, այլև նրանց մասին, ովքեր թեկուզ մեկ անգամ օգտվել են այդ սոցցանցի ծառայություններից՝ ներառյալ WhatsApp մեսենջերը: Այսպիսի տեղեկություն է պարունակում Եվրախորհրդարանականների առաջադրած 18 հարցերին ի պատասխան ընկերության ղեկավարության հրապարակած նամակում: Այդ մասին տեղեկացնում է iz.ru-ն:
Այսպիսով, սոցցանցի ներկայացուցիչները մերժել են Facebook-ի և WhatsApp-ի տվյալների բազայի առանձնացման վերաբերյալ խորհրդարանականների կոչը:
«Դա տեղի չի ունենա, քանի որ մենք Facebook-ի և WhatsApp-ի միջև տվյալների փոխանակում ենք կատարում նրա համար, որպեսզի տրամադրենք տարատեսակ գործիքներ և վերլուծություն ծառայության օգտատերերի, զանգերի և հաղորդագրությունների համար: Դա օգնում է չարաշահումների դեմ արդյունավետ պայքարին, օրինակ՝ երբ մենք տեղեկություն ենք ստանում սպամի վերաբերյալ»,- ասվում է պաշտոնական պատասխանի մեջ:
