Բոլիվուդյան դերասանուհի Կատրինա Կաիֆը 4-րդ անգամ գլխավորել է Ասիայի ամենասեքսուալ կանանց ցուցակը՝ ըստ Eastern Eye հեղինակավոր շաբաթաթերթի, որը հրատարակվում է Մեծ Բրիտանիայում:
Անցյալ տարի հաղթող ճանաչված դերասանուհի Պրիյանկա Չոպրան հայտնվել է երկրորդ հորիզոնականում:
Հատկանշական է, որ պատվավոր հորիզոնականի առաջին 5 տեղերն զբաղեցրել են հնդիկ դերասանուհիները: 3-րդ տեղում է հնդկական հեռուստաէկրանների «աստղ» Դրաշտի Դխամին («Երգ, որը ոչ ոքի հայտնի չէ»), 4-րդ ու 5-րդ տեղերը համապատասխանաբար զբաղեցրել են բոլիվուդյան այլ հայտնի դեմքեր՝ Դիպիկա Պադուկոնեն ու Սոնամ Կապուրը:
Կատրինա Կաիֆը ծնվել է 1984թ., խաղացել է «Լինում է, չի լինում վագր» ու «Հրե ճանապարհ» ֆիլմերում, որոնք միանգամից դարձան բլոկբաստերներ:
Սակայն նրան մեծ ճանաչում բերեց «Ես դեռ ողջ եմ» ֆիլմը, որը նկարահանել է բոլիվուդյան մելոդրամաների վարպետ Յաշա Չոպրան:
50 Sexiest Asian Women List-ը կազմվում է Eastern Eye-ի ընթերցողների համացանցային քվեարկությամբ:
