Այսօր՝ մայիսի 22-ին, ԱԺ-ում քննարկվում է ՀՀ և Իսրայել պետության կառավարությունների միջև եկամուտների և գույքի կրկնակի հարկումը բացառելու և հարկումից խուսափելու կանխելու մասին կոնվենցիան վավերացնելու մասին օրինագիծը:
«Ելք» խմբակցության քարտուղար Գևորգ Գորգիսյանը իր ելույթում հայտարարեց. «Այս համաձայնագրի մասին խոսելիս պետք է դիտել ոչ այնքան տնտեսական, որքան քաղաքական, նույնիսկ ռազմավարական բաղադրիչը, որովհետև հիմա Հայաստան-Իսրայել հարաբերությունները շատ բարձր ուղու վրա են»:
Նրա խոսքով՝ այս փաստաթուղթը համահունչ է Հայաստան-Իսրայել զարգացող հարաբերություններին:
Պատգամավորը նշեց, որ լավ կլիներ նաև ԱԳՆ-ից ներկայացուցիչ լիներ հարցի քննարկմանը, ինչին ԱԺ փոխխոսնակ Շարմազանովը դարձյալ արձագանքեց՝ ասելով. «Վաղը մեր սիրելի կառավարության գործընկերներին հորդորեք, որ նման հարցերի քննարկման ժամանակ նաև ԱԳՆ ներկայացուցիչներ լինեն»:
Մանրամասները՝ տեսանյութում:
