Սթիվի Բեմֆորդը հայտնի ավստրալիացի ռեգբիստ Փիթեր Թանքսի դուստրն է: Ավելի վաղ աղջկան ձերբակալել էին օրինապահ մարմիններին դիմադրություն ցույց տալու, նրանց վրա հարձակում գործելու, ոչ սթափ վիճակում մեքենա վարելու և կեղծ ցուցմունք տալու համար:
Հինգ տարի առաջ 21-ամյա Սթիվին հանգստանում էր Փհուկետում և հայտարարել էր, որ այնտեղ իրեն բռնաբարել է տուկ-տակի վարորդը: Ավելի ուշ նա խոստովանել էր, որ խաբել է և ասել էր նաև խաբելու պատճառը. որպեսզի զուգընկերն իր վրա չբարկանա ուշ վերադառնալու համար:
Այդ ժամանակ նրան 15 օր կալանքի դատապարտեցին, բայց սկզբում թույլ տվեցին, որ ավարտի հանգիստը:
Իսկ հիմա աղջկան բռնել են Սիդնեյի կենտրոնում՝ բարերից մեկում: Սթիվին նետվել է ոստիկանի վրա, որը ցանկացել է կռիվ սարքելու համար բռնել իր զուգընկերոջը: Մոդելին մի քանի անգամ զգուշացրել են չմոտենալ, բայց մոլեգնած աղջիկը միևնույն է գոռացել է, հրել և արդյունքում ճանկռոտել է ոստիկաններից մեկի վիզը: Նրան հանգստացնել կարողացել են միայն պղպեղի բալոնի օգնությամբ:
Աղջկան տուգանել են 800 դոլարով և դատապարտել են պայմանական կես տարվա ազատազրկման: Փաստաբաններն ասել են, որ հիմա նա զղջում է կատարվածի համար:
