Ձմռան գալուն պես շատերը ցանկություն են ունենում ուտել ինչ-որ յուղոտ մթերք, որպեսզի էներգետիկ կորուստները փոխհատուցվեն: Գիտնականները հայտարարել են, որ այդ նպատակի համար ավելի շատ հարմար է բոլորիս հայտնի ծովատառեխը, որը պարունակում է օրգանիզմին անհրաժեշտ յուղոտ ածխաջրեր, ինչը լավացնում է կենսագործունեությունը: Այսդ մասին գրում է Raut-ը:
Շվեդ գիտնականները Գետեբորգի տեխնոլոգիական համալսարանի Հելեն Լինկվիսթի ղեկավարությամբ ուշադրություն են դարձրել այն բանին, որ գիտությունը չի ուսումնասիրել ծովատառեխի հատկությունները: Ընդ որում՝ բժիշկներին վաղուց է հայտնի, որ յուղոտ ձկան բոլոր տեսակները բարերար ազդեցություն են գործում մարդու օրգանիզմի վրա՝ այն պաշտպանելով աթերոսկլերոզից և կարգավորելով սրտանոթային համակարգի աշխատանքը:
Ծովատառեխի պարբերաբար օգտագործումը օգնել է «վատ» խոլեստերինը փոխարինել «լավի», ինչի հետևանքով անոթների պատերը դարձել են ավելի էլաստիկ, իսկ դրանք մաքրվել են՝ լավացնելով արյան շրջանառությունը:
Պարզվել է նաև, որ այն ճարպը, որ պարունակվում է ձկան մեջ, արդյունավետ կերպով ճնշում է ճարպային բջիջները՝ ադիլոցիտները: Դա թույլ է տալիս օրգանիզմը պաշտպանել ճարպակալումից ու երկրորդ տեսակի շաքարախտից:
