ՄԱԿ-ը սկսել է հետաքննել 2015-ին Անվտանգության խորհրդի 2231-րդ բանաձևի Թուրքիայի խախտումը, որն արգելում է Իրան ատոմային ծրագրի համար օգտագործվելու հնարավորություն ունեցող ապրանքներ և տեխնոլոգիա մատակարարել։
Նշվում է, որ Թուրքիան Իրան է մատակարարել պատժամիջոցների ցանկում ներառված իսրայելական արտադրության էլեկտրոնային լարեր։
Հետաքննությունը սկսվել է, երբ 2017-ի հուլիսին ԱՄԷ-ի իշխանությունները հայտնաբերեցին Թուրքիայից Իրան ուղարկված էլեկտրոնային սարքավորումների խմբաքանակ։ Սարքավորումների մեջ կային նաև CSP 180/300 ուժային կոնդենսատորներ, որոնք արտադրել է CELEN Power Capacitors ընկերությունը (գլխավոր գրասենյակը գտնվում է Երուսաղեմում)։
ՄԱԿ-ի քարտուղարությունն Իսրայելին ևս խնդրել է մասնակցել հետաքննությանը։ Ընկերության ղեկավարությունը հաստատել է արտադրանքը Թուրքիա մատակարարելու և կանխավճար ստանալու փաստը, սակայն Իրան ուղարկվելու մասին ոչինչ չի իմացել։
