Թուրքիայի Անթալիա քաղաքում շարունակվում է շախմատի Աշխարհի թիմային առաջնությունը:
Հայաստանի հավաքականը 8-րդ տուրի շրջանակներում այսօր հանդիպեց Նիդերլանդների թիմի հետ:
Ինչպես արդեն տեղեկացրել էինք, Տիգրան Լ. Պետրոսյանը սպիտակ խաղաքարերով հաղթանակ է տոնել Էրվին Լ’Ամիի նկատմամբ: Իր պարտիան ոչ-ոքի արդյունքով է ավարտել Գաբրիել Սարգսյանը` սևերով խաղաղ դաշն կնքելով Սերգեյ Տիվյակովի հետ:
Հաղթանակ է տոնել նաև Լևոն Արոնյանը, ով սև խաղաքարերով առավելության է հասել Անիշ Գիրիի նկատմամբ:
Ահա և իր պարտիան հաղթանակով է ավարտել նաև Վլադիմիր Հակոբյանը` սպիտակներով պարտության մատնելով Լուկ վան Վելին:
Այսպիսով, մեր հավաքականը հաղթանակ տոնեց 3.5-0.5 հաշվով և վաստակեց 10 միավոր:
