Արիզոնայում երկու երկնասուզակ (սքայդայվեր) է զոհվել ցատկի ժամանակ ընդհարվելու հետևանքով: Այս մասին հայտնում է Reuters գործակալությունը:
Միջադեպը տեղի է ունեցել Էլոյ քաղաքում՝ մոտ 200 հանդիսականների աչքի առջև: Նշենք, որ այդ քաղաքը նահանգում երկնասուզակների թռիչքների ամենահայտնի վայրն է:
Ականատեսների խոսքով՝ երկնասուզակները, որոնք այդ պահին բացել են պարաշյուտները, բախվել են 60-90 մետր բարձրության վրա: Պարաշյուտնրի գմբեթները թուլացել են, ինչը հանգցերել է անվերահսկելի անկման:
Երկնասուզակներից մեկը տեղում մահացել է, մյուսը ծանր վիճակում հոսպիտալացվել է, որտեղ էլ բժիշկները մահ են արձանագրել:
France-Presse-ի փոխանցմամբ՝ նրանք փորձառու են եղել: Բախման հստակ պատճառներն այժմ պարզվում են:
