Եղանակների հերթափոխը այլ մոլորակների վրա կարող է կյանքի առաջացման համար երկրային պայմաններ ստեղծել: Կալիֆորնիայի համալսարանի գիտնականները պարզել են, որ եղանակների հերթափոխը, որին պատրաստվում են հետևել ռադիոհեռադիտակների միջոցով, կարող է հեռավոր մոլորակների մակերևույթին երկրայինին նման կյանքի առաջացման պայմաններ ստեղծել:
Տիեզերաբանները ենթադրում են, որ ապագայում նոր սերնդի ռադիոհեռադիտակները օգնելու են ոչ միայն ավելի մանրամասն ուսումնասիրել ապագա բնակելի աշխարհների քիմիական բաղադրությունը, այլ նաև կանխատեսել սեզոնային առանձնահատկությունները՝ կախված ջերմաստիճանի փոփոխությունից և ջրի մեծ պաշարների առկայություն/բացակայությունից: Մոլորակները բնակեցնելու և այնտեղ կյանքի գոյության որպես հատուկ ցուցանիշ է ծառայելու օզոնը, որը ձևավորվում է կենդանի օրգանիզմների արտադրած մոլեկուլային թթվածնի հետ քիմիական ռեակցիաների ընթացքում:
