Վրաստանում 2018 թվականի մարտ ամսին գրանցված հանցագործությունների թիվը նախորդ տարվա համեմատությամբ աճել է 55,72%-ով: Այդ մասին ասվում է Վրաստանի ՆԳՆ կայքում հրապարակված վիճակագրության մեջ՝ տեղեկացնում է apsny.ge-ն:
Ընթացիկ տարվա մարտ ամսին Վրաստանում գրանցվել է մոտ 5,4 հազար հանցագործություն: Միևնույն ժամանակ ընթացիկ տարվա մարտ ամսին բացահայտված հանցագործությունները կազմել են հանցագործությունների ընդհանուր քանակի 26,91%-ը:
Համաձայն վիճակագրության՝ մարտ ամսվա ընթացքում կատարված հանցագործությունների մեծ մասը (2,2 հազար) ուղղված է եղել սեփականությանը (մանր գողություններ, կողոպուտներ և այլն):
Երկրորդ տեղում մարդու առողջության դեմ գործած հանցագործություններն են (առողջությանը գիտակցաբար հասցված թեթև, միջին և ծանր վնասներ, բռնություն, ընտանեկան բռնություն և այլն): Վերջիններիս առնչությամբ գրանցվել է 972 դեպք:
Երրորդ տեղում ճանապարհատրանսպորտային կանոնների խախտմանը առնչվող հանցագործություններն են, որոնց հետ կապված գրանցվել է 450 դեպք
