Երեկ ռուսաստանցի հայտնի գործարար Միխայիլ Խոդորկովսկին մի քանի արևմտյան լրատվամիջոցների հարցազրույց է տվել: Պատասխանելով Bloomberg գործակալության հարցերին՝ նա մի շարք հետաքրքիր հայտարարություններ է արել:
Նա ասել է, որ ո՛չ նախկինում, ո՛չ էլ հիմա չի պատրաստվում առաջադրվել որպես նախագահի թեկնածու: «Որպես պատասխանատու քաղաքացի և Ռուսաստանը սիրող մարդ՝ ես կարիք ունեմ մասնակցելու իմ երկրի հասարակական կյանքին: Սակայն ես ո՛չ պատրաստվել եմ, ո՛չ էլ պատրաստվում եմ առաջադրվել որպես նախագահի թեկնածու»,- հաղորդում է Խոդորկովսկու մամուլի ծառայությունը՝ մեջբերելով նրա պատասխանը գործակալությանը:
Նա նաև պատասխանել է այն հարցին, թե ինչ կաներ, եթե լիներ Ռուսաստանի նախագահ. «Դատարանի վերականգնումը թարմ արյան ներարկմամբ և դատական համակարգի բարեփոխման իրականացում, որը մշակվել է դեռ 20 տարի առաջ: Իրավապահ համակարգի խորը բարեփոխում: Առանց դրա երկիրը հեռանկար չունի: Նույնիսկ մոտ հեռանկար», ասել է Խոդորկովսկին:
