Միջազգային վարկանիշային Standard & Poor’s գործակալությունը АА- մակարդակի վրա է հաստատել Չինաստանի երկարաժամկետ սուվերեն փոխառությունները՝ գրում է «Սինհուա» գործակալությունը: Կանխատեսումը կայուն է:
S&P-ն А-1+ մակարդակի վրա էլ պահպանել է չինական կարճաժամկետ փոխառությունների վարկանիշը:
Գործակալությունը հայտնում է, որ վարկանիշներն արտահայտում են չինական տնտեսության ներուժի ուժեղ աճը, արտաքին ակտիվների ուժեղ դիրքը և երկրի բավականին կայուն ֆինանսական վիճակը:
S&P-ն կարծում է, որ Չինաստանի տնտեսական և քաղաքական զարգացումն առաջիկա 2-3 տարում հավանաբար թույլ կտա պահպանել ընթացիկ վարկային վարկանիշը, քանի որ կառուցվածքային տնտեսական բարեփոխումները թույլ կտան նվազեցնել ռիսկերը ֆինանսական ոլորտում:
S&P-ն, այնուհանդերձ, նախազգուշացրել է, որ վարկանիշը կարող է իջեցվել, եթե բարեփոխումները վճռական չլինեն:
