Եվրոպայի խորհրդի գլխավոր քարտուղար Թորբյորն Յագլանդը հակված է Ռուսաստանին Եվրախորհրդում պահելու գաղափարին՝ չնայած այս երկրի հետ առկա խնդիրներին: Այս մասին նա ասել է ԵԽԽՎ նստաշրջանի ընթացքում Ստրասբուրգում տեղի ունեցած պատգամավորների հարցերին պատասխանելիս՝ գրում է korrespondent.net-ը:
«Ես շարունակում եմ հակված մնալ Եվրոպայի Խորհրդից Ռուսաստանին չբացառելու գաղափարին»,- ընդգծել է նա: Յագլանդը մասնավորապես նշել է, որ Եվրոպայի խորհրդից անդամ պետության դուրս գալու որոշումը կարող է ընդունվել միայն ԵԽ Նախարարների կոմիտեում:
«Անդամ պետությունը մնում է (կազմակերպության կազմում) այնքան, մինչև անդամ պետությունները չեն ընդունում հակառակ որոշումը», – ընդգծել է նա:
