Ի տարբերություն իր ամուսնուն՝ Դոնալդ Թրամփին, ով արհամարհեց Բարբարա Բուշի հուղարկավորությունը, պատճառաբանելով, թե իր այցը կարող է անվտանգության միջոցների ավելորդ վատնման պատճառ դառնալ, որն այնքան էլ տեղին չէ, ԱՄՆ առաջին տիկինը չկարողացավ չհարգել ԱՄՆ 41-րդ նախագահի կնոջ և 43-րդ նախագահի մոր հիշատակը և Հյուսթոն ժամանեց, որտեղ և տեղի է ունեցել սգո արարողությունը:
Չնայած նախկին նախագահ Բարակ Օբամայի և նախագահի թեկնածու Հիլարի Քլինթոնի հետ իր ամուսնու ունեցած քաղաքական տարաձայնություններին, Մելանիան կարծես թե նրանց հետ ընդհանուր լեզու է գտել և հաճույքով լուսանկարվում էր Քլինթոն ամուսինների, Միշել և Բարակ Օբամաների, Ջորջ և Լորա Բուշերի և Ջորջ բուշ ավագի հետ: Ավելին, արարողության ընթացքում Մելանիան նստել էր ուս ուսի Բարակ Օբամայի հետ և կարծես թե գոհ էր այդ հարևանությունից. պապարացիներին հաջողվել է լուսանկարել այն պահը, երբ Մելանիա Թրամփը ծիծաղում է: Կադրը ոչ միայն տարածվել է համացանցով մեկ, այլ անմիջապես մեմ է դարձել: Մելանիան թաղման ժամանակ Օբամայի կողքին ավելի երջանիկ տեսք ունի, քան Դոնալդի հետ՝ նրա երդմնակալության կապակցությամբ կազմակերպված ընթրիքի ժամանակ,- գրում էին նկարի տակ՝ մեկնաբանություններում:
