Իսլանդիայի պատմության մեջ ամենախոշոր չափի գողություն կատարած Սինդրի Թոն Ստեֆանսոնը փախել է բանտից և թռել Շվեդիայի վարչապետ Կատրին Յակոբսդսդոութիրի հետ նույն ինքնաթիռով՝ տեղեկացնում է Associated Press-ը:
Իսլանդիայի ոստիկանությունը հայտնել է, որ Ստեֆանսոնը փախել է բանտի պատուհանից և ինքնաթիռ նստել Իսլանդիայի միջազգային օդանավակայանում: Ստեֆանսոնը անձնագիր չի ներկայացրել, քանի որ ճամփորդել է Շենգենյան տարածքի շրջանակներում, իսկ ինքնաթիռի տոմսը գնել է այլ անունով:
Ստեֆանսոնը այն 11 անձանցից մեկն է, ովքեր ձերբակալվել են բիթքոինի մայնինգի համար 600 գերհզոր համակարգիչներ գողանալու համար: Գողացված սարքավորումներն այդպես էլ չեն գտնվել. դրանց արժեքը 2 մլն դոլար է կազմում:
