Չինաստանում համացանցային հանցագործության համար բանտ են նստեցրել 65 տղամարդու, որոնք համացանցում կին են ձևացել։ Հանցավոր խմբի առաջնորդը դատապարտվել է 14 տարվա ազատազրկման և 100 հազար յուան տուգանքի։ Եվս 64 մարդ մինչև 12 տարի ազատազրկման է դատապարտվել։
Ըստ դատարանի նյութերի՝ հանցագործները համացանցում ծանոթացել են միայնակ տղամարդկանց հետ և որպես չամուսնացած կին են ներկայացել։ Նրանք տղամարդկանց հանցավոր համակարգի մեջ են ներքաշել, որի գործունեության սկզբունքը չի մանրամասնվում։ Հրաժարվողներից գնացքի տոմսի գումար են խնդրել կամ համոզել են օգնել իրենց բարդ ֆինանսական իրավիճակում։
2016 թվականի ընթացքում նրանց հաջողվել է խաբել 130 մարդու և 9,2 միլիոն յուան վաստակել։
