Ասադը սկսել է իր ռազմական տեխնիկան տեղավորել ռուսական ռազմաբազային մոտ՝ հույսով, որ այդպիսով կպաշտպանի այն ԱՄՆ-ի գլխավորած կոալիցիայի հրթիռային հարվածներից:
Իր ավիացիան քողարկելու Սիրիայի փորձերը կարող են խոչընդոտել Բրիտանիայի, ԱՄՆ-ի և Ֆրանսիայի կողմից Ասադին լուրջ հարված հասցնելու ջանքերը: ԱՄՆ-ն կխուսափի ռուսական զինուժին հարվածելուց: Կարծիք կա, որ նախագահ Թրամփը կողմ է անցյալ տարվա համեմատությամբ ավելի մեծամասշտաբ հարվածների, սակայն ԱՄՆ-ի գլխավորած զինուժը Սիրիային հարվածելիս ստիպված կլինի շրջանցելու ռուսական հակաօդային պաշտպանության ռադարները:
Հմեյմիմում ռուսները Սիրիային վաճառված C-400-ը միավորել են սեփական համակարգերին: Այդ ՀՕՊ համակարգը, որը դեռ պետք է փորձարկել մարտի դաշտում, Ռուսաստանի պնդմամբ, 250 կմ հեռավորությամբ գործողության ազդեցություն ունի և կարող է միաժամանակ 80 թիրախ խոցել: Այն կարող է հարված հասցնել թե թևավոր հրթիռին, թե ինքնաթիռին:
Պենտագոնը ռազմանավերի և սուզանավերի խումբ է ուղարկել, բայց դրանք դեռ մեկ շաբաթ հետո տեղ կհասնեն: Երբ 10 ռազմանավերը և 2 սուզանավերը կդիրքավորվեն, Սիրիային հարված հասցնելու համար պատրաստ կունենան 700 հրթիռ (անցյալ տարի Շայրաթի վրա հարձակում իրականացնելիս ԱՄՆ-ն 59 հրթիռ արձակեց երկու ռազմանավից):
