«Հայաստանում խնդիրը ինստիտուցիոնալ ընդդիմություն ունենալու հրամայականն է, քաղաքական հարցերը կլուծվեն միայն այն պարագայում, երբ իշխանությանը հակադրենք այդպիսի ընդդիմությամբ։ Այնպիսի ընդդիմությամբ, որին օբյեկտիվ հեգնելու պատճառ չունենա անգամ Էդուարդ Շարմազանովը»,- «Առաջին լրատվական»-ի հետ զրույցում նման տեսակետ հայտնեց «Քաղաքացիական գիտակցություն» ՀԿ նախագահ Նարեկ Սամսոնյանը։
Մեր զրուցակցի խոսքերով՝ եթե գիտես, որ մի խնդիր լուծելու համար ռեսուրս չկա, և դու ավելի ես խորացնելու այդ խնդրում առկա ճգնաժամը՝ ավելի լավ է ոչինչ չանես. «Այսօրվա ապատիայի պատճառը նախկին ընդդիմությունների սխալ քաղաքական գործընթացների ձևավորելն է և անընդհատ տապալվելը։ Եթե դու ժողովրդին ակնհայտ հիասթափության են տանելու՝ իրավունք չունես նման գործընթաց նախաձեռնել»,- ընդգծեց Սամսոնյանը՝ մեջբերելով Նիկոլ Փաշինյանի՝ նախկինում արված հայտարարությունները։
Նարեկ Սամսոնյանը հավելում է՝ այսօրվա քաղաքական դաշտը ու դրանում ծավալվող գործընթացները նման են առանց հանդիսատեսի թատրոնի. «Դերասանները վատն են, հանդիսատեսը հոգնել է»,- եզրափակեց նա։
Հարցազրույցն ամբողջությամբ՝ տեսանյութում։
