Հռոմի պապ Ֆրանցիսկոսը Չիլիի բոլոր եպիսկոպոսներին Վատիկան կանչելու որոշում է կայացրել՝ սոցիլական հետաքննության արդյունքների քննարկման համար, որն իր իսկ հանձնարարությամբ է տեղի ունեցել՝ մանկապղծության մեջ մեղադրվող Չիլիի հոգևոր սպասավորների շուրջ սկանդալի պատճառով։ Չիլիի եպիսկոպոսներին համապատասխան ուղերձը հղվել է չորեքշաբթի երեկոյան, փոխանցում է «ՌԻԱ Նովոստի»-ն։
Իր ուղերձում Ֆրանցիսկոս պապը երախտագիտություն է հայտնել իր երկու հատուկ ներկայացուցիչներին, որոնց այս տարվա հունվարին քահանայապետը հանձնարարել էր պարզել գործի հանգամանքները՝ մանկապղծության վերաբերյալ Չիլիի եպիսկոպոսների հասցեին հնչած մեղադրանքների հետ կապված։ Հետաքննության շրջանակում նրանք դոսյե են կազմել, ինչպես նաև Նյու Յորքում և Սանտյագոյում հարցման ենթարկել մանկապղծության գործով 64 վկայի։
