Այսօր՝ ապրիլի 11-ին, ԱԺ-Կառավարություն հարցուպատասխանի ժամանակ «Ելք» խմբակցության պատգամավոր Էդմոն Մարուքյանն իր հարցն ուղղեց վարչապետի պաշտոնակատար Կարեն Կարապետյանին:
«Թնջուկն ավարտվեց. Հանրապետականը Ձեզ շատ լավ օգտագործեց որպես տեխնոլոգիա ընտրությունների ժամանակ: Եվ մարդիկ այդ տեխնոլոգիային տրվեցին և Ձեզ հետ հույսեր էին կապում ու հիմա հիասթափվեցին»,- նշեց Էդմոն Մարուքյանը՝ հավելելով, որ անձամբ ինքը չի հիասթափվել, որովհետև հույսեր էլ չի ունեցել:
Նա հիշեցրեց Կարեն Կարապետյանի չաշխատելը եվրոպական գործընկերների հետ և ասաց. «Հիմա ռուբլին գահավիժում է, գիտեք սանկցիաների մասին, գիտեք, որ պատերազմ է սպասվում, և լուրջ խնդիրներ է ունենալու մեր տնտեսությունը: Ունե՞ք տեսլական, որպես 1-ին փոխվարչապետ, որը Սահմանադրությամբ նախատեսված չէ, ինչպես ենք մենք այս վիճակից դուրս գալու»:
Էդմոն Մարուքյանն անդրադարձավ նաև ՌԴ-ում աշխատող հայ վարորդների խնդիրներին:
Մանրամասները՝ տեսանյութում:
