Այսօր՝ ապրիլի 11-ին, Ազգային ժողովը շարունակում է աշխատանքները:
Այժմ քննարկվում է ԱԺ Աշխատակարգի մասին օրենքում փոփոխությունների մասին օրինագիծը:
Արփինե Հովհաննիսյանը իր ելույթն սկսեց «Ազգային ժողովի նախագահություն» եզրույթն օգտագործելով. «Ես կշարունակեմ այդ եզրույթն օգտագործել՝ ճիշտ այնպես, ինչպես շատ եզրույթներ, որոնք օրենքով ամրագրված չեն, բայց քաղաքական բառապաշարում տեղ ունեն»:
Արձագանքելով Կորյուն Նահապետյանի ելույթին, թե՝ որքանով է իրավաչափ, որ ԱԺ լսումներ հրավիրելու իրավունք ունենան նաև ԱԺ փոխխոսնակները, Արփինե Հովհաննիսյանն ասաց. «Իրավաչափ է, թե ոչ, կարծում եմ՝ որևէ առանձին պատգամավորի քննարկման առարկա չի կարող դառնալ: Որևէ մեկին վերապահված չէ ինքնուրույն քննարկել իրավաչափության հարց»:
Նրա խոսքով՝ ԱԺ փոխխոսնակների մեջ կա նաև ընդդիմությունից ներկայացուցիչ. «Ուստի ես այս հարցը կդիտարկեի նաև քաղաքական տեսանկյունից»:
Մանրամասները՝ տեսանյութում:
