Ռումինիան, Խորվաթիան և Բուլղարիան ԵՄ մյուս երկրներից ավելի քիչ են պատրաստ գլոբալ տաքացմանը։
Դա է ցույց տալիս ադապտացման գլոբալ ինդեքսը։ Կանխատեսվում է, որ այդ երկրները կտառապեն էներգիայի, մաքուր ջրի և պարենի պակասից։
Ռումինիան վարկանիշային աղյուսակի 63-րդ տեղում է, Բուլղարիան և Խորվաթիան՝ 42-րդ։
Գլոբալ տաքացմանն ամենից լավ պատրաստվել են Նորվեգիան, Նոր Զելանդիան և Ֆինլանդիան (1-3-րդ տեղերում համապատասխանաբար)։ Առաջատարների տասնյակում են ներառվել նաև Շվեդիան (4-րդ տեղ), Դանիան (6-րդ տեղ) և Ավստրիան (7-րդ տեղ)։
Աֆրիկայի երկրներն այս առումով ևս մխիթարական վիճակում չեն։ Գրեթե բոլորը «ցածր» կամ «շատ ցածր» պատրաստվածության մակարդակում են։
Վարկանիային աղյուսակը կազմվում է՝ ելնելով այնպիսի ցուցանիշներից, ինչպիսին են պարենամթերքի, ջրի հասանելիությունը, առողջապահության մակարդակը, բնական ռեսուրսներով ապահովվածությունը, ենթակառուցվածքներն ու էկոլոգիական պայմանները։ Հաշվի է առնվում նաև «կլիմայական» մարտահրավերներին դիմակայելու երկրի ունակությունը։
