Այսօր՝ ապրիլի 10-ին, Ազգային ժողովը սկսել է 6-րդ գումարման 3-րդ նստաշրջանի աշխատանքները:
Ազգային ժողովում քննարկվում է ՀՀ-ԵՄ համապարփակ և ընդլայնված գործընկերության համաձայնագիրը վավերացնելու հարցը:
«Հայաստանը չի տանում երկու ինտեգրացիոն գործընթաց. նման բան չկա, ինտեգրացիոն գործընթաց տարվել է միայն ԵԱՏՄ-ի հետ»,- իր ելույթում հայտարարեց «Ելք» խմբակցության պատգամավոր Էդմոն Մարուքյանը:
Նրա խոսքով՝ Հայաստանն ընդամենը թարմացրել է ԵՄ-ի հետ իր հնացած պայմանագիրը:
«Մենք ունեցել ենք ավելին ստանալու շանս, ինչից զրկվել ենք, և ստացել ենք ԵԱՏՄ»,- ասաց նա՝ հավելելով, որ Ռուսաստանում հայ վարորդներին կրկին նեղն են գցել:
Մարուքյանը նշեց, որ Հայաստանը 2 բանի մասին է խոսում՝ որ անցել ենք խորհրդարանական կառավարման համակարգի, ինչը սուտ է, և ստորագրել ենք ԵՄ համաձայնագիրը. «Առաջինն ուրեմն սուտ էր: Մենք պահանջելու ենք, որ Հայաստանն անցնի լիարժեք, իրական, ոչ իմիտացիոն խորհրդարանական կառավարման համակարգի: Եվ երկրորդ՝ մենք ամեն ինչ անելու ենք, որ այս համաձայնագիրը կյանքի կոչվի: Մենք պահանջատեր ենք լինելու: Այո, Հայաստանը վաղը կվավերացվի համաձայնագիրը, բայց խաղը սկսվելու է դրանից հետո»:
Մանրամասները՝ տեսանյութում:
