Ռուսաստանը, ինչպես նաև Բաշար Ասադի ռեժիմը պատասխանատու են Սիրիայում քիմիական հարձակման ժամանակ երեխաների զոհվելու համար։ Այս մասին ՄԱԿ-ի Անվտանգության խորհրդի նիստի ժամանակ հայտարարել է ՄԱԿ-ին առընթեր ԱՄՆ մշտական ներկայացուցիչ Նիկի Հեյլին։
«Հրեշը, որը պատասխանատվություն է կրում այդ հարձակումների համար, խիղճ չունի։ Նրան նույնիսկ չեն ցնցում երեխաների լուսանկարները։ Ռուսական ռեժիմը, որի ձեռքերը ևս թաթախված են սիրիացի երեխաների արյան մեջ, չի ամաչում մահացածների լուսանկարներից։ Մենք չպետք է մոռանանք Ասադի կործանարար քաղաքականության մեջ ռուսական դերի մասին։ Ռուսաստանն օգնում է երեխաներին խեղդելու արշավին»,-ասել է նա։
«Ռուսաստանը շարունակում է այդ գործողությունները։ Նա կարող էր վերջ դնել այդ սարսափներին, բայց չի կարող և չի ցանկանում։ Ուստի, էլ ինչու՞ փորձենք ամաչեցնել այդ մարդկանց։ Ոչ մի քաղաքակիրթ կառավարություն նույնիսկ չէր էլ կարող գործ ունենալ Ասադի ռեժիմի հետ»,-հավելել է Հեյլին։
