Օրերս որոշ տեղեկատվական կայքեր ապատեղեկատվություն են տարածում առ այն, որ մանկաբարձ-գինեկոլոգ Շուշանիկ Բախշյանը դատապարտվել է ազատազրկման 3,5 տարի ազատազրկման։
«Շենգավիթ» ԲԿ հասարակայնության հետ կապերի բաժինը տեղեկացնում է, որ տվյալ տեղեկատությունը որևէ կերպ չի համապատասխանում իրականությանը, կայքը նման նյութ տեղադրելով որևէ կերպ չի ստուգել վերջինիս ճշմարտացիությունը, արդյունքում ոչ միայն խախտվել է անձի անմեղության կանխավարկածն ու ոտնահարվել կլինիկայի և բժշկուհու բարի համբավը, այլ նաև մեծ վնաս է հասցվել այն շուրջ 80 հղի կանանց, ովքեր բարձր գնահատելով առաջատար մասնագետ Շուշանիկ Բախշյանի մասնագիտական հմտություններն ու պրոֆեսիոնալիզմը իրենց բարդ հղիությունների վարումն անվերապահորեն վստահել ու շարունակում են վստահել բժշկուհուն, իսկ նմանատիպ կեղծ տեղեկատվության տարածումը նրանց մոտ առաջացնելով խիստ հուզական վիճակ՝ վտանգավոր անցանկալի հետևանքներով։ Տեղեկացնենք նաև, որ վերջին երկու տարվա ընթացքում Շուշանիկ Բախշյանի մոտ հաշվառվել է 404 հղի և ծննդալուծվել է 445 ծննդկան՝ անկախ լրատվական կայքերի կողմից թիրախային ապատեղեկատվությանը:
Ցավալի է, որ տեղեկատվական այս դարում առանց տեղեկատվության սկզբնաղբյուրի ստուգման, պարզապես հանրային որոշակի ընկալում ու հասարակական բացասական վերաբերմունք ձևավորելու նպատակով, գործի է դրվել տեղեկատվական քարոզչությունը, ինչը վնասում է թե բժշկուհու հիմնարար իրավունքները, թե սպառնալիք է ստեղծում մի քանի տասնյակ հղի կանանց առողջության համար, թե ստվերում է տեղեկատվական դաշտի գործունեության անաչառ ու անկողմանակալ լինելը։
Սույն հայտարարությամբ կոչ ենք անում հետայսու ձեռնպահ մնալ Շուշանիկ Բաշխյանի վերաբերյալ ապատեղակատվության տարածումից՝ չխախտելով ինչպես Հայաստանի Հանրապետության օրենսդրությամբ ամրագրված մարդու իրավունքները երաշխավորող կարգավորումները, այնպես էլ մասնագիտական, էթիկական և բարոյական նորմերը։
