«Սերժ Սարգսյանը նոր որակական ծրագրով է ցանկանում մտնել կառավարություն՝ որպես վարչապետ, այսինքն՝ չի հենվում նրա վրա, որ կառավարությունը ունի 2017-2022 թվականների 5-ամյա ծրագիր, և նա պետք է գա պարզապես շարունակի»։ Այդ մասին «Առաջին լրատվական»-ի հետ զրույցում ասաց Հայաստանի գործատուների հանրապետական միության նախագահ Գագիկ Մակարյանը՝ անդրադառնալով Սերժ Սարգսյանի հայտարարություններին «Հայաստանի զարգացման ռազմավարություն 2030» փաստաթղթի նախագծի վերաբերյալ, որում Սերժ Սարգսյանը խոսում է մարդկային կապիտալի զարգացման, մի քանի հարյուր հազար աշխատատեղերի բացման, ստվերի զգալի կրճատման, հարկեր/ՀՆԱ հարաբերակցությունը բարելավելու, աղքատության ցուցանիշի նվազման, հարկային բեռի ուղղակի հարկերից դեպի անուղղակի հարկերին անցման մասին։ Գագիկ Մակարյանը կարծում է, որ մեր ունեցած հայեցակարգերը հիմնականում ջուր են ծեծում, բայց սա կարող է տարբերվել, եթե իրագործվի։
«Նոր որակ է ուզում հաղորդել։ Եթե նայում ենք տարածաշրջանի ցուցանիշները՝ Հայաստանը ամենավատ ցուցանիշ ունեցող պետություն է արդեն մի քանի տարի շարունակ․տնտեսական աճերը եղել են շատ ցածր, քանի որ փոքր շուկա է եղել, տնտեսական աճը էֆեկտ չի առաջացրել երկրի, ժողովրդի համար, աղքատության ամենաբարձր՝ 30 տոկոս ցուցանիշ ունի, միգրացիան էլ շարունակվում է»,-շեշտեց նա։
Մանրամասները՝ տեսանյութում։
