ԱՄՆ Վաշինգտոն նահանգի բնակչուհին դատական հայց է ներկայացրել իր մոր մանկաբարձ-գինեկոլոգի դեմ, որը արհեստական բեղմնավորման համար գաղտնի օգտագործել է իր սերմը։
2017-ին 36-ամյա Քելի Ռուալեթը օգտվել է Ancestry.com ծառայությունից, որն օգնում է հարազատներ գտնել ԴՆԹ թեստի միջոցով։ Թեստը ցույց է տվել, որ նրա հայրը կարող է լինել Ջերալդ Մորթիմերը՝ նախկին բժիշկը, որն ապրում է Քելիից 800 կմ հեռավորությամբ։
Բանն այն է, որ 1980-ականներին Քելիի ծնողներն այդ բժշկի մոտ բուժվել են անպտղության դեմ։ Նրա խորհրդով՝ նրանք համաձայնել են աղջկա մոր ամուսնու սերմը միախառնել անանուն դոնորի սերմին։
Զույգը չէր էլ կարող գուշակել, որ բժիշկը կօգտագործի իր իսկ սերմը։ Ըստ երևևույթին, բժիշկը գիտեր, որ աղջկա հայրն է։ Քելիի մայրը շարունակում էր նրա մոտ բուժվել, և նա աղջկա հետ կապ էր պահում։ Դատական հայցում ասվում է, որ Մորթիմերը լաց է եղել, երբ իմացել է, որ ընտանիքն այլ նահանգ է տեղափոխվում։
