Չինաստանի օդանավակայանների մեծ մասում ներդրվել և հաջողությամբ կիրառվում է դեմքերի ճանաչման յուրահատուկ համակարգը, որը տասնյակ անգամներ արագացնում է անվտանգության ստուգման գործընթացը։
Համակարգը մշակող՝ ՉԺՀ կանաչ և մտավոր տեխնոլոգիաների Չունցինի համալսարանի տվյալների համաձայն՝ այս համակարգը ներդրված է երկրի 62 օդանավակայաններում՝ ներառյալ Շանհայի և Հուանչժոուի միջազգային օդանավակայանները:
Նշվում է, որ այս համակարգն ապացուցել է իր էֆեկտիվությունն ու ճշգրտությունը երկրի օդանավակայանների 80%-ում կիրառելուց հետո, որի շնորհիվ նրանցից յուրաքանչյուրի տարեկան թողունակությունը հիմա հասնում է 30 միլիոն ուղևորի։
Չունցինի ինստիտուտի մտավոր անվտանգության կենտրոնի ղեկավարի կարծիքով՝ փաստաթղթերի վավերականության ստուգման համար համակարգը մի վայրկյանից ավելի քիչ ժամանակ է պահանջում ուղևորի դեմքը անձնագրի լուսանկարի հետ համեմատելու համար։
Բացի այդ նա նշել է, որ ներկայումս ինստիտուտի մասնագետները դեմքի ճանաչման տեխնոլոգիա են մշակում՝ օդանավակայանում ավտոմատ հաշվառման համար։
