Հնդկաստանի Օրիսա նահանգում կապիկը ներխուժել է տեղի բնակչուհիներից մեկի տունը և առևանգել նրա որդուն: Ավելի ուշ երեխայի դին գտել են ջրհորում: Այդ մասին տեղեկացնում է BBC-ն:
Կինը տեսել է, թե ինչպես է կապիկը առևանգում երեխային, սակայն չի կարողացել կանգնեցնել նրան: Հաջորդ օրը կնոջ հարազատներից մեկը տնից ոչ հեռու գտնվող ջրհորում հայտնաբերել է երեխայի մարմինը:
Բժիշկները նրա մարմնի վրա լուրջ վնասվածքներ չեն հայտնաբերել և եզրակացրել են, որ երեխան խեղդվել է: Տեղացիների կարծիքով՝ կապիկը պատահաբար է նրան գցել ջրհորը: Ոստիկանությունը փնտրում է կենդանուն:
Տեղացիները նշում են, որ Հնդկաստանում կապիկների կողմից երեխաների առևանգումը հազվադեպ երևույթ է. նրանք կարող են հարձակվել մարդկանց վրա կամ սնունդ հայթայթելու նպատակով ներխուժել տները, սակայն սա առաջին դեպքն է, երբ երեխա են առևանգում:
