Կիևում հանուն եվրաինտեգրման ցույցի դուրս եկածները մնացել են՝ շարունակելու իրենց ակցիան Ուկրաինական տան դիմաց՝ Կրեշչատնիկ փողոցի մայթին: Այս մասին հայտնում է Interfax-ը:
Հաղորդվում է, որ այն բանից հետո, երբ ակցիայի մասնակիցները ոստիկանության կողմից հետ էին մղվել ճանապարհի երթևեկելի գոտուց՝ ավտոտրանսպորտի երթևեկությունը վերականգնելու համար, ընդդիմադիրները մետաղական ցանկապատի մեջ են առել ակցիայի անցկացման վայրը, որտեղ հարյուրավոր մարդիկ կան: Հաղորդվում է այնտեղ վրանների ամրացման մասին:
Դեպի Ուկրաինական տուն տանող աստիճանների վրա տեղակայվել է բեմահարթակ, իսկ մոտակայքում՝ ձայնային բարձր հնչողություն ապահովող սարքավորումներով մեքենա:
Բացի այդ, Անկախության հրապարակում շուջ 100-150 մարդ շարունակում է եվրաինտեգրման համար հանրահավաքը:
Գործակալության թղթակցի փոխանցմամբ՝ Եվրոպական հրապարակ են գնացել Կատարողական ծառայության ներկայացուցիչները՝ ակցիայի մասնակիցներին ծանուցելու տեղակայված վրանների անօրինականության մասին, սակայն նրանց չի հաջողվել հայտնել այդ մասին, քանի որ ցուցարարները բավականին կտրուկ են արձագանքել նրանց հայտնվելուն ու վռնդել են նրանց:
