Վրացական նոր MyWay Airlines ավիաընկերությունը իրականացրել է առաջին չվերթը Թբիլիսիից Թեհրան՝ տեղեկացնում է Sputnik.gr-ը:
Տոնական արարողությունը տեղի է ունեցել Թբիլիսիի միջազգային օդանավակայանում: Ապագայում ավիաընկերությունը ծրագրում է չվերթներ իրականացնել Ռուսաստանի չորս ուղղություններով՝ Մոսկվա, Ժուկովսկի, Սանկտ Պետերբուրգ և Սամարա: Ծրագրվում է նաև թռիչքներ իրականացնել դեպի Թել Ավիվ, Դուբայ, Կիև, Մինսկ:
MyWay Airlines-ը հիմնադրվել է չինական Hualing Group ընկերության կողմից: 2017թ. նոյեմբերին Չինաստանից Վրաստան տեղափոխեցին ավելի քան 43,4 մլն դոլար արժողությամբ երկու ինքնաթիռ: Երրորդ ինքնաթիռը սպասվում է հուլիսին, իսկ չորրորդը՝ դեկտեմբերին:
