Ուկրաինական «Հանուն բարեփոխումների ուկրիանական դեմոկրատական դաշինք» կուսակցության ղեկավար, հայտնի բռնցքամարտիկ Վիտալի Կլիչկոն չի կարողացել ժամանակին հասնել Ուկրաինայի եվրաինտեգրման համար կազմակերպված հանրահավաքին, հայտնում է RIA Novosti-ն:
«Ինքնաթիռը, որով Կլիչկոն վերադառնում էր Կիև եվրոպացի քաղաքական գործիչների հետ խորհրդատվություններից հետո, հրաժարվել են ընդունել «Բորիսպոլ» ու «Ժուլյանի» օդանավակայաններում (Կիևի երկու օդանավակայանները): Ինքնաթթիռը վայրէջք է կատարել այլ քաղաքում, և հիմա Վիտալի Կլիչկոն գնում է մեքենայով, որ մասնակցի մայրաքաղաքում կազմակերպված միտինգին»,- հայտնում է կուսակցության մամլո ծառայությունը:
Առայժմ հայտնի չէ, թե ինչ պատճառով են հրաժարվել ընդունել ինքնաթիռը, որում եղել է Կլիչկոն: ԶԼՄ-ները հայտնում են, որ Կիևում առավոտից ուժեղ մառախուղ է:
