Մեծ Բրիտանիայում բնակվող ավելի քան 100 ուկրաինացի Վեստմինստրում Բրիտանիայի խորհրդարանի շենքի առաջ մասնակցել է Ուկրաինայի եվրոինտեգրման համար անցկացված հանրահավաքին, հայտնում է «Ազատություն» ռադիոկայանը:
Հանրահավաքի մասնակիցները ձեռքներին պահել են կարգախոսներ հետևյալ գրությամբ՝ «Բրյուսել, չհանձնես Ուկրաինան», «Պուտի՛ն, ձեռքերդ հեռո՛ւ Ուկրաինայից»:
Հանրահավաքի մասնակցիները ձեռքներին պահել են նաև Ուկրաինայի ու Եվրամիության դրոշները: Մարդիկ պահանջում են Ուկրաինայից՝ չեղյալ հայտարարել իր որոշումը եվրաինտեգրացումից հրաժարվելու վերաբերյալ:
Մեծ Բրիտանիայում ուրաինացիների միության փոխնախագահ Իրինա Տերլեցկայան իր ելույթում նշել է, որ Ուկրաինան չպետք է ենթարկվի ռուսական ճնշումներին ու պետք է շարժվի Եվրոպայի ուղղությամբ:
