Քսենյա Սոբչակն իր միկրոբլոգում մասնակիորեն ներողություն է խնդրել Թինա Կանդելակիից: Նա «ինքն իրենից զզվել և հիասթափվել է» հաղորդավարուհու անձնական կյանքը քննարկելու պատճառով, հաղորդում է Spletnik.ru-ն:
Երեկ Քսենյա Սոբչակն իր բլոգում տեղեկություն է հրապարակել այն մասին, որ Թինա Կանդելակիի նոր երկրպագուն, ում հետ նա Դուբայ «գաղտնի» հանգստի է մեկնել, ուկրաինացի օլիգարխ Սերգեյ Կուրչենկոն է: Այսօր արդեն Քսենյան իր բլոգում գրել է հետևյալ հաղորդագրությունը. «Ես իսկապես կարծում եմ, որ «շատ ընկա» և ինձ նույն մակարդակի վրա դրեցի: Այդ պատճառով էլ անկեղծ ներողություն եմ խնդրում»:
Սոբչակը պարտվել է Կանդելակիին 500 հազար դոլար գրազը, որի համաձայն եթե նա ապացուցեր, որ Կանդելակին իսկապես Դուբայ է մեկնել, կստանար այդ գումարը: Դրա հետ կապված` Քսենյան գրել է. «Իսկապես, աշխարհում երբեմն այնքան աղքատ մարդիկ են լինում, որ ոչինչ չունեն բացի փողից: Այնպես որ, ձեր 500 հազար դոլարը, Թինատին, ձեզ պահեք` չէ՞ որ դա այն ամենն է, ինչ դուք ունեք իրականում»:
Հիշեցնենք` ավելի վաղ Սոբչակը հայտարարել էր, որ Թինա Կանդելակին Դուբայ մեկնել է Չեչնիայի ղեկավար Ռամզան Կադիրովի հետ:
