Ֆրանսիացի հայտնի դիջեյ Դևիդ Գետտան երեկ Նյու Յորքում ցուցադրել է իր One Voice հիթի տեսահոլովակը՝ հաջակցություն աշխարհի աղքատ երկրների: Այս անգամ նա պրեմիերայի վայր է ընտրել ՄԱԿ-ի կենտրոնակայանի շենքը, հայտնում է ITAR-TASS-ը: Ցուցադրության համար էկրան է դարձել 39-հարկանի շենքի արևմտյան ապակե պատը, որը նայում է Մանհեթենի 1-ին ավենյուին:
Շոուն դարձել է օգոստոսի 19-ին՝ Մարդասիրական օգնության համաշխարհային օրվա կապակցությամբ գործարկված ՄԱԿ-ի «Աշխարհը ավելի շատի կարիք ունի» (World Needs More) ծրագրի մաս: Տեսահոլովակը ցուցադրվել է ուղիղ եթերում Facebook-ում Դևիդ Գետտայի էջում:
Միջոցառմանը նվիրված պաշտոնական արարողության ժամանակ ՄԱԿ-ի գլխավոր քարտուղար Պան Գի Մունը շնորհակալություն է հայտնել Գետտային հոլովակի համար՝ դա համարելով «իսկապես անգին նվեր» մարդասիրական հանրության համար:
«Այդ երգերի օգնությամբ մենք միջոցներ կհավաքենք Սիրիայի ու Ֆիլիպինների բնակիչների համար, ինչպես նաև այն վայրերի, որտեղ հուսահատ հանրությունը ամբողջ աշխարհի համերաշխության կարիքն ունի»,- հայտարարել է Պան Գի Մունը:
