Նախօրեին Ստեփանավանից «Հայկական ժամանակ» օրաթերթի խմբագրություն է զանգահարել ոստիկանության փոխգնդապետ, Արցախյան պատերազմի մասնակից Գառնիկ Մուրադյանն ու վրդովված հայտնել, որ 2 օր անց ինքն իր ընտանիքի հետ միասին արտագաղթելու է. գնալու է Ռուսաստան:
«Մուրադյանը զանգահարել Էր «Հայկական ժամանակին» (իր խոսքով՝ իր սիրելի թերթը) հրաժեշտ տալու: Մենք, իհարկե, չէինք կարող պարզապես ի գիտություն ընդունել նրա զանգն, ասել «Ցտեսություն, բարի ճանապարհ» և կախել լսափողը: Ստորև ներկայացնում ենք Գառնիկ Մուրադյանի հետ թերթի թղթակցի զրույցը.
-Պարոն Մուրադյան, ինչու՞ եք արտագաղթում:
-Որոշե եմ արտագաղթել: Ոստիկանության փոխգնդապետ եմ, 12 տարի աշխատել եմ Ոստիկանության Պետական պահպանության գլխավոր վարչության Ստեփանավանի պահպանության բաժանմունքի պետ, կրթություն ստացել եմ Ռուսաստանում, այնտեղ էլ եմ համակարգում պաշտոններ ունեցել, հետո տեղափոխվել եմ Հայաստան, մասնակցել Ղարաբաղյան պատերազմին: Կնոջս 4 տարի առաջ ապօրինաբար զրկել էին իր սեփականությունից: Տեղական իշխանությունները՝ կադաստրի հետ համատեղ, կնոջիցս վերցրել էին իր սեփականության կադաստրի վկայականը:
Մենք դիմել ենք տարբեր ատյանների, չենք կարողացել հասնել արդարության: 2012 թ-ի նոյեմբերին նամակով դիմեցինք (կինս) Սերժ Սարգսյանին՝ հայտնելով, որ այլևս Հայաստանում այս պայմաններում ապրել հնարավոր չէ: Դրանից հետո սկսվեցին ծառայողական քննություններ իմ նկատմամբ. սկսեցին տարբեր հետապնդումներ, կեղծիքներ, մեղադրանքներ, ահաբեկումների ենթարկել ինձ: 2013 թվականի հունվարին առանց իմ գիտության ուղարկել են կադրերի ռեզերվ:
Հարցազրույցն ամբողջությամբ՝ կարդացեք «Հայկական ժամանակ» օրաթերթի այսօրվա համարում:
