Չինաստանի բնակիչը փաստաթղթերը կանանց համալսարան է ներկայացրել՝ ընկերուհի գտնելու հույսով։ Նինբո քաղաքի շրջանավարտը, ընդունելության քննությունների վերջին փուլում հայտնել է իր փաստաթղթերը հենց այս համալսարան ներկայացնելու հիմնական պատճառը։ «Այս համալսարանում այնքան աղջիկ կա, որ եթե ես այստեղ ընդունվեմ, հեշտությամբ ինձ համար զուգընկերուհի կգտնեմ»,– ասել է նա։
Տղայի ընտանիքը չի կիսում նրա ոգևորությունը։ «Հայրս խորհուրդ է տվել ավելի զգույշ լինել, նա չի ուզում, որ իր տղան փոխվի այդքան կանանց ազդեցության տակ»,– ավելացրել է 18-ամյա չինացին։
Չինաստանի կանանց համալսարանը տարեկան մոտ 1500 ուսանող է ընդունում, և նրանց միայն մեկ տոկոսն են տղաներ։ Նրանց համար առանձին հանրակացարան և զուգարան է գործում։
