Եթե ինստիտուցիոնալ մակարդակով պատրաստ չլինես Հանրապատականին փոխարինելու, այլ ճանապարհ չես ունենա, լրագրողների հետ ճեպազրույցում ասաց ՀՀ ԱԺ «Ելք» խմբակցության քարտուղար Գևորգ Գորգիսյանը։
Խոսելով Սահմանադրությամբ վարչապետին ընձեռված լիազորությունների մասին՝ Գորգիսյանն ընդգծեց, որ դրանք շատ ավելի վտանգավոր են, քան այն անձը, որը լինելու է վարչապետ, որովհետև վարչապետը լինելու է անվերահսկելի անձ՝ օժտված բացարձակ իշխանությամբ.
«Վարչապետը անկառավարելի դև է լինելու, որովհետև հակակշռող, զսպող օղակ չի ունենալու։ Անգամ հանցագործության դեպքում վարչապետի ձեռքը բռնող օղակ չի լինելու, որովհետև ԱԱԾ-ն և ոստիկանությունը ենթարկվում են վարչապետին։ Նման օրինակ պառլամենտական որևէ երկրում գոյություն չունի»:
