Բեռլինում կողմ են Եվրահանձնաժողովի նախագահի առաջարկին`Եվրոպական միության արտաքին քաղաքականության ոլորտում հնարավոր դարձնել մեծամասնական կարգով որոշումները:
Գերմանիայի արտաքին գործերի նախարարությունն աջակցել է Եվրահանձնաժողովի նախագահ Ժան-Կլոդ Յունկերի առաջարկին` վերացնել միաձայնության սկզբունքը, երբ Եվրամիությունը քվեարկում է արտաքին քաղաքականությանը վերաբերող հարցերի շուրջ:
«Միասնության սկզբունքը դյուրին է դարձնում նրանց նպատակները, ովքեր ցանկանում դրսից պառակտել ԵՄ-ն»,- ասել է նախարար Միխայիլ Ռոտը:
Այսպիսի որոշմանը կողմ է նաև Բունդեսթագի ՔԴՄ/ՔՍՄ դաշինքի արտաքին քաղաքականության հարցերով փորձագետ Յուրգեն Հարտը:
«Մեծամասնական կարգով որոշումներ կայացնելու հնարավորությունը նպատակահարմար լրացում կլինի եվրոպական արտաքին քաղաքականության զինանոցում, ինչը կբարձրացնի Եվրամիության գործելակերպի կարողությունը», – ասել է նա:
