Թուրքիա-Ռուսաստան հարաբերությունները, մանավանդ տնտեսության բնագավառում, բավական սերտ են և ի վերջո իրենց ազդեցությունը կունենան երկու երկրների քաղաքական հարաբերությունների և տարածաշրջանային նրանց ազդեցության բաժանման վրա: Այսօր տեղի ունեցած մամուլի ասուլիսի ժամանակ նման տեսակետ հայտնեց ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը` անդրադառնալով առաջիկայում ՌԴ նախագահ Վլադիմիր Պուտինի` Հայաստան կատարելիք այցին:
«Սակայն պետք է հիշել, որ մինչև Հայաստան գալը Սանկտ Պետերբուրգում Վլադիմիր Պուտինը պետք է հանդիպի Թուրքիայի վարչապետ Ռեջեփ Թայիփ Էրդողանի հետ, և այդ հանդիպմանը խիստ ուշադիր պետք է լինել: Ռուս-թուրքական սերտացող հարաբերությունները կարող են ազդել ռուս-հայկական հարաբերությունների վրա»,- ասաց դաշնակցական գործիչը:
