PanARMENIAN.Net-ի փոխանցմամբ՝ Հայաստանի կառավարությունը մտադիր է հանրապետության բնակիչներին տևական ամանորյա արձակուրդներ նվիրել: Մասնավորապես, ըստ որոշման նախագծի, որը ներառվել է կառավարության նոյեմբերի 21-ի նիստի օրակարգում, դեկտեմբերի 30-ի փոխարեն աշխատանքային կլինի շաբաթ օրը՝ ամսի 28-ը:
Այսպիսով, տոները կտևեն 10 օր, աշխատանքային կլինի 2014-ի հունվարի 8-ը:
Բացի այդ, ըստ որոշման նախագծի, հունվարի 27-ի աշխատանքային երկուշաբթին կտեղափոխվի շաբաթ՝ փետրվարի 1-ին: Հաշվի առնելով, որ հունվարի 28-ին Հայաստանում ոչ աշխատանքային՝ Բանակի օրն է, հայաստանցիները կհանգստանան երեք օր՝ հունվարի 26-28-ը ներառյալ, հայտնում է «Նովոստի Արմենիան»:
Բացի այդ, առաջիկա նիստի օրակարգում է նաև որոշման նախագիծ, համաձայն որի2014 թվականին բոլոր տաղավար տոներին հաջորդող՝ հանգուցյալների հիշատակի օրերը (մեռելոցները) կլինեն ոչ աշխատանքային:
2014-ի հունվարի 27-ի, ապրիլի 21-ի, մայիսի 2-ի, հուլիսի 28-ի, օգոստոսի 18-ի և սեպտեմբերի 15-ի աշխատանքային օրերը համապատասխանաբար տեղափոխել են 2014-ի փետրվարի 1-ը, ապրիլի 26-ը, մայիսի 31-ը, օգոստոսի 2-ը, օգոստոսի 23-ը և սեպտեմբերի 20-ը` շաբաթ օրերը:
Մանրամասները՝ PanARMENIAN.Net-ում
