«Հայաստանում անց են կացվել նախագահական 6 ընտրություններ և Արմեն Սարգսյանի ընտրությունը 7-րդն էր․ այս ամբողջ ժամանակահատվածում չենք կարող հիշել գեթ մեկ դեպք, երբ այլընտրանքային թեկնածու չլինի, այլ միշտ բոլոր ընտրությունների ժամանակ գլխավոր թեկնածուի դեմ միշտ ընդդիմադիր գլխավոր թեկնածու կար, գաղափարական բախումներ կային, անգամ ֆիզիկական բախումներ եղան՝ Մարտի 1-ը վառ օրինակ, և սրա դրական այն էր, որ կային տարակարծություններ, քաղաքական դիսկուրս կար և այլն, իսկ հիմա սա առաջն անգամն էր Հայաստանում, որ այնպես փոխեցին Սահմանադրությունը 2015թ-ին, այնպիսի օրենքներ ընդունեցին և այնպիսի փոփխություններ արեց ՀՀԿ-ն, որ ոչ հասարակության մեջից, ոչ Պառլամենտում գտնվող այլ ուժերը շանս չունեցան առաջադրվելու որպես 2-րդ թեկնածու, մրցակցելու հնարավորություն չեղավ, իսկ սա շատ լուրջ ու վտանգավոր հետևանքներ է ունենալու՝ եկել-հասել ենք բրեժնևյան լճացման ժամանակաշրջանին»,- «Առաջին լրատվական»-ի հետ զրույցում նշեց քաղաքագետ Ստեփան Գրիգորյանը։
Վերջինիս դիտարկմամբ՝ ամենամեծ վտանգներից մեկն ոչ միայն այն է, որ Հայաստանում օրենքն ու Սահմանադրությունը չի հարգվում, այլև այն, որ Հայաստանում այսօր քաղաքական պլյուրալիզմ չկա, ինչն առավել վտանգավոր է, քան ոչ լեգիտիմ լինելը։
Այս համատեքստում քաղաքագետը նաև հավելեց․
«Սա նշանակում է՝ վերջ, Հայաստանում քաղաքական պրոցեսներ չկան և այո, ես այստեղ միտում եմ տեսնում․ակնհայտ է, որ ՀՀԿ-ն, Սերժ Սարգսյանը Հայաստանում տարբեր հնարքներով ձևավորում են միակուսակցական համակարգ»։
Մանրամասները՝ տեսանյութում։
