Ռուսաստանի նախագահ Վլադիմիր Պուտինը հեռախոսազրույց է ունեցել Իրանի նախագահ Հասան Ռուհանիի հետ: Ինչպես հաղորդվում է Կրեմլի կայքում հրապարակված հաղորդագրության մեջ, նախագահները քննարկել են Սիրիայի շուրջ ստեղծված իրավիճակը և «Ժնև-2» համաժողովի նախապատրաստության հարցերը:
Հաղորդագրության համաձայն՝ երկու երկրների նախագահները քննարկելով Սիրիայի շուրջ ստեղծված իրավիճակը՝ իրենց հակվածությունն են հաստատել հակամարտության խաղաղ կարգավորմանը և նշել են «Ժնև-2»-ի նախապատրաստմանն ուղղված ջանքերի կարևորությունը:
Պուտինը, անդրադառնալով Իրանի միջուկային խնդրին, նշել է, որ հայտնվել է բազմամյա խնդիրը լուծելու իրական հնարավորություն:
Ռուհանին իր հերթին բարձր է գնահատել Ռուսաստանի աշխատանքը միջազգային միջնորդների «վեցյակ»-ի շրջանակներում:
